Galicia-Bretaña unha publicacións do Consello da Cultura Galega

Tipo: Libro. Actas Colección: Actas. Materias:

Visita o especial

Ver publicación Descargar publicación

Galicia e a Bretaña están marcadas, como xa viron os autores clásicos, por moitas semellanzas xeográficas e culturais. Son terras altamente romanizadas, pero con fondas pegadas celtas. Son terras de granito e con extensas orlas marítimas, de chuvias atlánticas empuxadas por «ventos mareiros», que están caracterizadas por uns trazos culturais de gran paralelismo, desde os monumentos megalíticos ata os cruceiros e calvaires, as gaitas e cornamusas, as romarías e un sentimento da terra case panteísta, alén dunha fonda relixiosidade. Por iso se considerou Galicia como unha «Bretaña española», o que, á inversa, se lle podería aplicar tamén á península bretoa, de modo que nunca houbo fronteiras que arredasen estes dous territorios, nin por terra nin por mar. Non obstante, estas semellanzas e mesmo as relacións intermitentes que desde a prehistoria se estableceron entre a península armoricana e Galicia non abondaron para superar un descoñecemento mutuo.

Co propósito de remediar esta ausencia foron pensadas as xornadas realizadas no outono de 2017, concibidas cunha perspectiva comparada e como primeiro paso para sucesivas aproximacións. Nesta publicación recóllense os relatorios daquel encontro, no que dous dos editores deste libro (Botrel e Villares) se achegan ao estado da cuestión e unha selecta nómina de investigadores e investigadoras de universidades galegas e bretoas afrontan estudos comparados no campo da historia agraria (Jarnoux e Saavedra), da política no medio rural (Cabo), do nacionalismo político (De Juana e Carney) da identidade (Núñez Seixas e Le Coadic), da xeografía (Lois e David) e da literatura (Nogueira, Rivalan, Requeixo e Lama). No campo literario, prestouse unha atención especial ao escritor Álvaro Cunqueiro, un autor que foi capaz de escribir a novela As crónicas do sochantre, de puro ambiente bretón, sen nunca estar na Bretaña, para comprobar, cando máis tarde alí viaxou, que maxín literario e realidade eran case a mesma cousa.

Título	Galicia-Bretaña Olladas Comparadas
Edición	Ramón Villares Jean François Botrel Christine Rivalan Guégo
Autoría	Jean François Botrel Miguel Cabo Villaverde Sébastien Carney Olivier David Philippe Jarnoux Jesús de Juana María Xesús Lama López Ronan Le Coadic Rubén C. Lois González María Xesús Nogueira Xosé M. Núñez Seixas Armando Requeixo Christine Rivalan Guégo Pegerto Saavedra Fernández Ramón Villares
Limiar	Rosario Álvarez
Tradución	Cristina Río López
Publicación	Santiago de Compostela: Consello da Cultura Galega, 2020
Edición	1ª Edición
Descrición física	349 p.; 24 cm.
ISBN	978-84-17802-20-2
Depósito Legal	C 881-2020
DOI	10.17075/gboc.2020
Url externa	Catálogo RBG
Colección	Actas
Evento	Congreso. Galicia-Bretaña Galicia-Bretaña: un enfoque comparado de dous finisterrae europeos. 30/10/2017. Consello da Cultura Galega. Santiago de Compostela Congreso. Galice-Bretagne: une approche comparée de deux finisterrae européens. 30/10/2017. Consello da Cultura Galega. Santiago de Compostela
Materias	historia xeografía sociedade nacionalismo política
Áreas	Arquivo da Emigración Galega (CCG) Acción exterior do Consello da Cultura Galega
Código QR