O Consello da Cultura Galega únese á homenaxe a Ricardo Carballo Calero celebrada no Día das Letras Galegas 2020 con esta edición da Farsa das zocas . Ademais do estudo preliminar a cargo de Carlos-Caetano Biscainho Fernandes, esta publicación presenta o facsímile da Farsa das zocas da edición de 1982 ( Teatro completo, Ediciós do Castro), derradeira autorizada polo autor, que vai acompañado doutros dous facsímiles de manuscritos autógrafos, que se ofrecen coas correspondentes transcricións.
| Título | Farsa das zocas |
| Autoría |
Ricardo Carballo Calero |
| Estudo |
Carlos-Caetano Biscainho-Fernandes |
| Limiar |
Rosario Álvarez |
| Obxecto de estudo |
Ricardo Carballo Calero |
| Transcrición |
Carlos-Caetano Biscainho-Fernandes |
| Publicación | Santiago de Compostela: Consello da Cultura Galega, 2020 |
| Edición | 1ª Edición |
| Descrición física | 160 p.: il., fot.; 22 cm. |
| Notas | Contén: 1.- Limiar, por Rosario Álvarez (p. 5); 2.- Estudo: «A Farsa das Zocas. Un elo teatral entre dous tempos distantes» por Carlos-Caetano Biscainho-Fernades (p. 15); 3.- Facsímile: Farsa das Zocas (p. 85); 4.- Manuscritos: Presentación do autor para unha lectura dramatizada de 1966, «Sobre o meu teatro. Unha aportación teatral» (p. 111); 5.- Transcrición dos manuscritos, por Carlos-Caetano Biscainho-Fernandes (p. 137).-- Este libro saíu do prelo o 24 de abril de 2020, día en que se conmemoraban os 49 anos da impresión de Catro pezas, de Carballo Calero. |
| ISBN | 978-84-17802-14-1 |
| Depósito Legal | 978-84-17802-14-1 |
| Url externa | Catálogo RBG |
| Evento |
Concerto. Ferrol, 1916: homenaxe a Ricardo Carballo Calero. Concerto Ferrol, 1916 e presentación libro Farsa das zocas 14/10/2020. Teatro Jofre. Ferrol |
| Materias | |
| Áreas | |
| Código QR |
|
Farsa das zocas é unha pequena peza teatral de Ricardo Carballo Calero (1910-1990) que conta un drama familiar con interese económico como pano de fondo. Este é o texto escollido polo Consello da Cultura Galega (CCG) para a publicación coa que cada ano celebra o Día das Letras Galegas. A edición facsimilar preséntase acompañada dun estudo introdutorio realizado polo profesor da Universidade da Coruña, Carlos Biscainho, a quen entrevistamos para este especial. Ademais, ofrecemos un pequeno agasallo: un vídeo en que Tito Asorey, Melania Cruz e María Vázquez dan vida as personaxes recreadas por Carballo Calero. É moito máis que unha lectura dramatizada, unha aproximación á posta en escena desta peza que nos presenta unha faceta menos coñecida de Carballo Calero.
CRÉDITOS DO VIDEO
Elenco: Melania Cruz, María Vázquez, Tito Asorey; Operadora de cámara e montaxe de vídeo: Lucía R. Regueiro; Asesoramento lingüístico: Rosa Moledo; Agradecementos: Elena Ferro Produción: A Quinta do Cuadrante; Dramaturxia e dirección: Tito Asorey
CRÉDITOS DO VIDEO
Elenco: Melania Cruz, María Vázquez, Tito Asorey; Operadora de cámara e montaxe de vídeo: Lucía R. Regueiro; Asesoramento lingüístico: Rosa Moledo; Agradecementos: Elena Ferro Produción: A Quinta do Cuadrante; Dramaturxia e dirección: Tito Asorey
