A presente publicación integra a edición da colección de diplomas medievais en pergamiño de Santa Comba de Naves, priorado do mosteiro de San Salvador de Celanova, constituída por 266 documentos. A colección diplomática vai precedida dun estudo introdutorio que constitúe unha caracterización xeral do conxunto diplomático en foco, ademais dunha aproximación á atención que ten recibido o mosteiro por parte da investigación. Aténdese, particularmente, á definición do corpus documental en pergamiño de Santa Comba, ás vicisitudes históricas que experimentou, á tipoloxía documental, aos redactores e ás variedades lingüísticas empregadas na escrita dos pergamiños. Inclúe tamén unha pormenorizada normativa editorial que se presenta dividida polas diferentes modalidades lingüísticas representadas na colección (galego, latín e castelán). A obra complétase cunha serie de anexos que achegan a transcrición de documentación complementaria á presentada á colección diplomática, unha reconstrución da configuración do acervo de Santa Comba no arquivo do cenobio celanovés e, finalmente, os preceptivos índices de pergamiños, documentos, antroponímico e toponímico.
| Título | Colección diplomática medieval do mosteiro de Santa Comba de Naves Documentos en pergamiño |
| Autoría |
Pedro Dono López |
| Publicación | Santiago de Compostela: Consello da Cultura Galega, 2021 |
| Edición | 1ª edición |
| Descrición física | 1 CD + libro ( Edición dixital) |
| Notas | Este CD contén a edición dixital (PDF de 1101 páxinas) da Colección diplomática medieval do mosteiro de Santa Comba de Naves e os índices de pergamiños, documentos, antroponímico e toponímico. O libro en papel contén o estudo introdutorio previo, recollido tamén na publicación completa no CD. |
| ISBN | 978-84-17802-41-7 |
| Depósito Legal | C 2287-2021 |
| Url externa | Catálogo RBG |
| Colección | Gallaeciae Monumenta Historica |
| Materias | |
| Áreas | |
| Código QR |
|
