Xurxo Mariño, científico e profesor da Universidade da Coruña, escribe en culturagalega.org dende o 2003 "Os dados do reloxeiro", artigos quincenais de divulgación científica. Actualidade, humor e a atención ás grandes cuestións da ciencia do noso tempo son algunhas das claves das columnas de Xurxo.

Este libro é unha fermosa colección de reflexións persoais ofrecidas cun exemplar tratamento divulgativo no que teremos a ocasión de ver reflectidas moitas cuestións da vida común, tratadas dende unha óptica científica: esa óptica que fai máis libre ao seu posuidor, a quen emprega eses criterios para intentar comprender o entorno. Lonxe dos antigos medos que proporcionaba a crenza en meigallos, Xurxo Mariño lévanos ao estado de tranquilidade propio de quen coñece os mecanismos dos procesos que o rodean, mais sempre cunha teima moi concreta: poñer os coñecementos ao alcance de cadaquén, empregando palabras cotiás, exemplos accesibles, nunca baixando no rigor científico nin no nivel de coñecemento.
Salpicada polo humor de Xosé Lois, esta obra é unha viaxe ao mundo físico e biolóxico no que vivimos, un mundo gobernado polo azar dos dados lanzados por un reloxeiro chamado evolución.
Titulo dados do reloxeiro, Os
Subtítulo ciencia amena para mentes inquietas
Autoría Xurxo Mariño
Ilustración O Carrabouxo
Publicación Santiago de Compostela: Consello da Cultura Galega. Sección de Ciencia, Técnica e Sociedade, 2005
Edición 1ª edición
Entidade Consello da Cultura Galega. Sección de Ciencia, Técnica e Sociedade
Descrición física 160 p. : il. ; 23 cm.
ISBN. Ed. papel 84-96530-05-1
Depósito Legal. Ed. papel C 2424-2005
CCG. Signatura. Ed. papel CCG 2005 275
CCG. Código de barras Absysnet 1.6. Ed. papel 10126121
url. Ed. pdf en liña https://issuu.com/conselloculturagalega/docs/dados
Materias
Código QR