Compartir en:
Esta monumental obra, editada por Ernesto Viéitez Cortizo e José Manuel Rey Salgado, realiza un minucioso inventario da flora, da fauna e dos puntos de interese xeolóxico da Comunidade que están en perigo real ou potencial. Máis alá do diagnóstico da situación, o estudo pretende constituír un marco de referenza que axude aos xestores a establecer prioridades na conservación da natureza galega ante as ameazas causadas polo desenvolvemento urbano, rural e industrial.

A perda xeneralizada da biodiversidade silvestre constitúe un problema global que afecta a todo o planeta. Unha resposta a esta deterioración levou á aparición da Bioloxía da Conservación como ciencia ao servizo da protección da natureza, co obxectivo fundamental de diagnosticar e previr as causas que a provocan. Galicia mantivo un patrimonio natural ben conservado, considerado como dos máis ricos do sudoccidente europeo. Malia a súa biodiversidade, como consecuencia do desenvolvemento socioeconómico sufriu unha progresiva e constante deterioración. Afrontar unha xestión realista co fin de paliar e conter tal detrimento esixe un primeiro diagnóstico, que é o que pretende o presente libro.
Titulo natureza ameazada 2004, A
Edición Ernesto Viéitez
José Miguel Rey Salgado
Presentación Alfonso Zulueta
Autoría Monserrat Brugués Domenech
Fernando Cobo Gradín
Marcos González González
Jesús Izco Sevillano
Fernando López González
Francisco Novoa Docet
José Luís Pérez-Cirera López-Niño
José Miguel Rey Salgado
Cecília Sérgio
Victoriano Urgorri
Juan Ramón Vidal Romaní
Limiar José Miguel Rey Salgado
Ernesto Viéitez
Publicación Santiago de Compostela: Consello da Cultura Galega. Sección de Patrimonio Natural, 2005
Edición 2ª edición
Descrición física 819, [15] p. : il. ; 24 cm.
Notas Nova versión, remodelada en profundidade de A natureza ameazada: xea, flora e fauna de Galicia en perigo publicada tamén polo Consello da Cultura Galega en 1989. Esta edición conta á súa vez cunha reimpresión no ano 2008. As edicións de 2004 e 2008 teñen o mesmo ISBN e DL, en canto á de 1989 ambos códigos son diferentes.
ISBN 84-95415-97-6
Depósito Legal C 002-2005
CCG. Signatura CCG 2004 267
Colección Base
Materias
Código QR