Publicación que recolle preto de setenta relatorios presentados no encontro internacional que se celebrou en Celanova do 13 ao 15 de setembro de 2001 para conmemorar os 150 anos do nacemento de Manuel Curros Enríquez.
Esta publicación de dous volumes recolle achegas dos mellores especialistas, galegos e non galegos, sobre as distintas facetas de Curros Enríquez: biografía, ideario (político, relixioso e lingüístico), obra poética, xornalismo, correspondencia e demais obra literaria, relacións e contactos persoais e intelectuais, e un importante capítulo sobre a recepción coetánea e posterior da produción currosiana.