A unha voz na metade do reino unha publicacións do Consello da Cultura Galega

Tipo: Libro Materias:

Ver publicación Descargar publicación

Celebramos acontecementos pasados porque dalgún xeito están presentes, como lugares de memoria ou feitos que lle din algo á comunidade, aínda que é moi habitual que a mensaxe que transmite un monumento ou un suceso vaia cambiando no decorrer do tempo, conforme cambia a sociedade e os seus valores e inquedanzas. A Xunta de Melide, que tivo lugar o 4 de decembro de 1520, forma parte, en maior ou menor medida, da memoria de Galicia e, con ocasión da conmemoración do seu quinto centenario na propia vila, a fins do 2020 xurdiu a iniciativa de elaborar e publicar unha obra colectiva na que varios historiadores botasen unha nova ollada sobre a propia asemblea e sobre o seu tempo, pois un suceso desa natureza non se entende sen ter en conta a situación pola que atravesara ou estaba atravesando o reino de Galicia no paso da época medieval á moderna e as decisivas consecuencias políticas da elección imperial do monarca Carlos de Gante e do levantamento dos comuneiros na primavera de 1520.

A publicación deste libro é unha moi boa maneira de celebrar o quinto centenario da Xunta de Melide, pois vailles permitir aos lectores coñecer mellor tanto a importancia da asemblea como os problemas políticos e sociais da época en que tivo lugar, uns reducidos a Galicia e outros derivados dos descubrimentos ultramarinos e da política imperial de Carlos V.

[Data de comunicación: decembro 2021]

Título	unha voz na metade do reino, A . Cincocentos anos da Xunta de Melide
Edición	Pegerto Saavedra Fernández
Autoría	Manuel María de Artaza Montero Xosé Manuel Broz Rei Xurxo Broz Rodríguez Gonzalo Francisco Fernández Suárez Domingo L. González Lopo Antonio Presedo Garazo Ofelia Rey Castelao María do Carmen Saavedra Pegerto Saavedra Fernández Hortensio Sobrado Cristina Vázquez Neira
Deseño	Pepe Barro
Fotografía	José Caruncho
Ilustración	Alberto Taracido
Limiar	Pegerto Saavedra Fernández
Presentación	Rosario Álvarez Miguel Ángel Santalices
Revisión lingüística	Cristina Río López Begoña Tajes
Publicación	Santiago de Compostela: Consello da Cultura Galega; Parlamento de Galicia, 2021
Edición	1ª edición
Descrición física	284 p.: il., cor; 24 cm
Notas	Este libro saíu do prelo o día 4 de decembro de 2021, coincidindo coa celebración do aniversario da Xunta de Melide.
ISBN	978-84-17802-39-4
Depósito Legal	C 2103-2021
CCG. Signatura	CCG 2021 16
DOI	10.17075/vmrxm.2021
Url externa	Catálogo RBG
Evento	Presentación. *Presentación do libro A unha voz na metade do reino. Cincocentos anos da Xunta de Melide.* 4/12/2021. Centro Sociocultural Mingos de Pita. Melide
Materias	patrimonio historia identidade cultural política
Código QR